|
İrəli,
meymuna doğru!
Nədənsə biz babalarımızdan ağıllı ola bilmirik
Bir vaxtlar Darvin təkamül nəzəriyəsini irəli sürəndə bu heç kimin xoşuna
gəlmədi. Dindarlar insanın tədricən meymundan inkişaf etməsi fikrini birbaşa
Allahın yaradıcılıq qabliyyətinə xələl gətirdiyini düşündü. Yerdə qalanı
isə sadəcə qohumlarının içində ona ən yaxın olanın meymun olduğunu qəbul
etmək istəmədi. Necə deyərlər memundan bizə baba olmaz!
Əslində meymunun nə vaxt iki ayaq üstünə qalxıb insan kimi yeriməsi o
qədər də maraqlı deyil. Amma 12 min əvvəl Misirdəki Sfinksin yaranması
prosesi daha maraqlıdı. Bilmək istərdim ki, təzəcə mağaralardan çıxmış
insan min tonlarla daşları gətirib hardasa necə quraşdırıb necə oya bildi?
Ya da ki, Sfinksin ayaqları altındakı xəlvət lağımı necə qazıdı ki, müasir
insan onun yerini ultrasəslə müəyyənləşdirsə də hələ ki, bütün texnikasını
səfərbər edib ora girməkdə acizdir. Alimlər Misir piramidalarının yaşını
uzağı 4-5 min əvvələ aid edir. Amma piramidaların lobirintindən hələ ki
baş açmayıblar. Piramidalarda hələ də açılmamış otaqlar, keçilməmiş dəhlizlər
var. Ən dahi müasir alimdən soruşsan ki, «Faraonların məqbərəsi necə işıqlandırılırdı?»
çaşıb qalar. Çünki yerin altına neçə kilometrlərlə uzanan dəhlizlərdə
güzgülərlə işıqlandırma nəzəriyyəsi iflasa uğrayır. Onlardan bəlkə də
ən ağıllıları məqbərədə tapılan dalaca gil qablarda elektrik enerjisi
yaradılmasını çox ehtiyatla dilinə gətirər. Bu qabların içinə metal fitil
qoyulur. Boş qalan yerləri adi limon turşusuyla dolduranda 3 vatlıq enerji
yaranır. Məqbərədə işıq yanması üçün 2-3 belə qab və mis məftil lazım
idi. Bəs niyə alimlər faraon məqbərələrindən mis məftilləri tapanda gözlərini
döyüb bunu izah edə bilmirdilər? Belə çıxır ki, 4-5 min il əvvəl insan
elektrikdən istifadə edə bilirmiş? Biz bu yaxınlaracan qaranlığımızı İliçin
lampalarıyla qorxudurduq. Elə ucqar kəndlərimiz var ki, 21-ci əsrdə də
hər gecə işıqsız qalıb minilliklər boyu işlətdkləri mum şamları yandırırlar.
Biz bir yana, dünya keçən əsrin əvvəlində bizim kimi qaranlıqda oturmuşdu.
«Biz babalarımızdan ağıllıyıq» kimi absurd fikirlə böyüyürük. Amma hələ
ki, Pasxa adasında boyhaboy dayanan qayadan yonulmuş nəhəng fiqurların
mənasını anlamırıq. Hələ ki, nə deyəcəklərini başa düşürük, nə də onlardan
aşıb qalmışlarını qaldırıb yerinə otuzdura da bilirik. Biz Tibet dağlarında
Zaman güzgüləri adlanın qayaların yalnız adını eşitmişik. Onların necə
işlədiyini hələ ki, anlamırıq. Tibetdə Şambala adlanan (tərcüməsi allahların
yurdu) yerin axtarışına Hitler milyonlarla vəsait və güc sərf elədi, amma
tapa bilmədi. Deyilənə görə orda mağarada əvvəlki sivilizasiyaların sakinləri
3-10 metrlik atlantlar, 30 metrlik limurlar bədənlərini suyun bizə məlum
olmayan 4-cü vəziyyətinə salıb daşlaşıb oturublar. Onlar axirəti zamanı
gözləyirlər ki, yeri gəlsə bəşəriyyətə kömək edə bilsinlər. Müasir insan
oranı nəiki görə, heç 5-10 metr yaxınlığına gələ də bilmir. Müasir insan
texnikasıyla fors eləsə də hələ ki, Monqolustanın səhralarında qum altında
gizlədilmiş fantastik kitabxanaları tapa bilmir. Onun yerini yalnız monaxlar
bilir və hər il səhraya dərvişliyə çıxıb özləri də bilmədiyi ünvana səfər
edərək harasa baş əyib geri qayıdırlar. Müasir insanın isə Əfqanıstan
çöllərində işlətdiyi texniki avadanlığı yalnız məhv etməyə yarayır, nəyisə
axtarıb tapmağa yox.
Bəzən başımızı qaldırıb göyə baxanda səmada uçan obyektləri görmək ümidi
ürəyimizdən keçir. Meksikadakı daş abidələrsə deyir ki, minilliklər əvvəl
insan belə uçan obyektlərə minib gəzib. Orda idarə pultu arxasında çəkisizlik
vəziyyətində pilotun təsvirləri qayada oyulub. Müasir alimlərsə bunu tanrısına
dua edən insanın qəribə pozası kimi təfsir edir. Dünyada qayaüstü rəsmlərini
tədqiq etsək Qobustan qayalıqlarındakı rəsmlərlə fəxr etmərik. Çünki əcdadlarımız
maral, keçi təsvir edən vaxtdan da əvvəl Afrikada qayalarda skafandrlı
insanların rəsmləri isti iqlimin hesabına hələ ki salamat durur. Maya
sivilizasiyasının qoyub getdiyi daş ornamentlərdə bəziləri inklərin qəribə
naxışlarını görür. Amma diqqətlə baxa bilənlər orda buxar maşınının sxemini
aydın görər. Həmin bu sxemlər bizim xalçalarımızda da həkk olunub. Xalça
rəsmləri kiməsə rəngbərəng, gözoxşayan naxışlar, kiməsə çox vacib informasiya
mənbəyi kimidir. Sadəcə kimsə nəsillərə lazım olar deyib xalçalara hördürüb
ki, unudulmasın. Amma naxışların şərhi unudulub. Heç kim izah edə bilmir
ki, göy cisimlərinin hərəkətinə uyğun tikilmiş abidələr hardan əmələ gəlib.
Pəncərələri planetlərə uğyun açılmış Qız qalasını, astoroloji rəsədxana
kimi tikilmiş İngiltərədəki Stounxenci kim və nə üçün ucaldıb?
Alimlər gen mühəndisliinin qısır nəticələriylə və cəmi 2 il yaşamış klonlaşdırılmış
qoyun Dolli ilə yaman fəxr edir. Assuriya carlarının gözətçiləri başı
insan, bədəni it olan heyvanların kömyilə düşmənləri dəhşətə gətirirdi.
Bunu əfsanələr və gil lövhələr üzərindəki rəsmlər təsdiqləyir. Onlar gen
mühəndisliyi vasitəsilə insanla atın, itin, öküzün hibritini yaratmışdılar,
başı qartal bədəni insan olan məxluqun öncəgörməlik qabliyyətində istifadə
edirdilər.
Hazırda Darvin nəzəriyyəsinin ən əsas müddəası darmadağın edilib. Onun
müşahidələri heyvanat aləmində çox qiymətli sayılsa da insanın yaranma
məsələsində çox qüsurludur. Əsrin başqa bir dahiyanə kəşfi olan Enşteynin
nisbilik nəzəriyyəsi də iflasa uğrayıb. Alimlər kosmik hesablamalarda
onun kəşfindən istifadə etmirlər, çünki bu nəzəriyyə kiçik miqyaslarda
işləyir,amma kosmosda insana kömək əvəzinə ziyan edir. Bu zamanı üçün
dahiyanə kəşflər elan ediləndə insanlar ona müqavimət göstərirdi və heç
vaxt onları məktəb dərsliyinə salmazdılar. Amma indi onların qüsurlu olduğu
hamıya məlum olandan sonra bü nəzəriyyələr məktəblərdə tədris edilir.
Bəlkə insanın geriyə, meymuna doğru inkişafı kiməsə sərf eləyir? İrəli
getmək illüziyası yaradandan sonra istər test, ya da əzbərləmə yoluyla
uşaqlarımız guya ki, inkişaf edir. Yuxarıda sadalanan izahedilməz sübutlar
göstərir ki, insan irəli deyil, geriyə meymuna döğru irəliləyir. Onun
yeyib içmək, cinsəl ləzzət alma və canlıları məhv etmək ehtirası hər şeyi
üstələyərək təkamülə yox, tənəzzülə aparır. Bu geriləmə prosesində insan
mənəvi dəyərlərini itirdiyi kimi əqli, texniki nailiyyətlərini də heçə
endirir. Allah axırını xeyir eləsin!
|
|
