Ünvanına yetməyəcək 5 sual

«Dünyanın altında əyilməkdənsə…»
«Maşina vremeni» qrupunun
repertuarından

Həftənin əvvəli yenə də mövzu ovuna çıxmalı olarsan. İnternetin canı sağ olsun, korluq çəkməyə qoymaz. Oxuyursan, bəzi xəbərləri sayt ekrandan çəkilməmiş unudursan. Bəzi xəbərlərsə gündəm baxımından boyat olsa da fikrindən çıxmır. Məhz bele xəbərlər məni axşam saatında işim başımdan aşanda köşə yazmağa məcbur edə bilər. Əgər yazını oxuyursuzsa, deməli uşağı baxçadan gecə qaranlıqda götürməyi özümə rəva bilib oxuduqlarımı bölüşmək istəmişəm.
Öyrəndim ki, Azərbaycanda kitabları da yandırırlar. İncimai Televiziyanın fəaliyyətini tənqid eləyən kitabın bütün tirajını yandırmaqla məhv eləyiblər. Biz burda yazmaqdan əldən düşmüşük ki, Azərbaycanda kitab buraxılmır, ya da təlabatə nisbətən çox güzi sayda kitablar işıq üzü görür. Kiminsə belə zəmanədə kitab yandırmaq kimi qərarlar ağlına gəlir!? Bəli, bu qərarı da məhkəmə verib, icrası da çox guman ki, artıq baş tutub, ya tutacaq, bu özü bir elə də önəmli deyil. Deyilənə görə bu qərar Azərbaycanda kitablara qarşı çıxarılmış ilk hökmdür. Düzün desəm kitab mövzusunda yazmaqdan bir az utanıram. Mən biləni tarixdə həmişə yaxşı kitabları yandırıblar. Makedoniyalı İskəndər də kitabxana yandırıb, orta əsrlərdə yandırılan adamlardan daha çox kitab məhv eləyiblər, faşitslər də bəyənmədiklərini oda bələyiblər. İndi soruşardım ki, bu yanan, yaxud hələ yanacaq kitablar həqiqətənmi belə qiymətliymiş?
Qənimət Zahidovu tutmasaydılar çox guman ki, onun şerlərini heç vaxt oxuya bilməzdim. Mediaforum saytında yerləşdirilmiş şer kitabçasının mavi üz qabığının şəklini, bəzəkli hərflərlə tərtibatını da görməzdim. Ağlıma da gəlməzdi ki, Qənimət şer yazar. Təsəvvür eləyirəm ki, bir neçə il əvvəl ondan «Qənimət, şer yazırsanmı?» soruşsaydım mənə necə qəribə baxa bilərdi…
Qulaqlarını itiləyin, indi repçilər çırmalanıb «Nəsimi» rep-operasını böyrün-başın düzəldirlər ki, ortaya çıxarsınlar. Adını da qoyurlar klassik abidələrin modernləşdirilməsi (!?)… «Dünyanın altında əyilməkdən bezib, dünyanı az arşınıyla biçəcəklər». İnformasiyanı rusca oxuduğumdan cümlənin ikinci hissəsini (vergüldən sonra) olduğu kimi tərcümə eləyə bilməzdim, çox biədəb bir şey alınardı, məni anlayarsız yəqin. Bizim reperlərin iştahası görürsüz ki, pis deyil. Axı, Azərbaycanda nə qədər savadsız olsa da Nəsiminin «Məndə sığar iki cahan»ını bilməyən birisi çətin tapıla. Operanı yaradıcı heyətindən bir soruşardım, «heç olmaya bilirsinizmi ki, opera nədir?»
Yaşar Nuri cavanların passivliyindən gileylənir. Deyir saçım-başım ağarsa da hələ mənə Elçin kimi baxırlar. Tamaşanın ekrana gəlməsinin üstündən 28 il keçib e… Yaşar Nuridən soruşardım ki, 28 ildi ki, cavanların ağırlığını çiyinlərində daşımaqdan bezməmisən?
Ayaz Salayevin Mirşahinə cavabından ləzzət aldım! Bu da köhnə xəbərdi. Çoxdan yazılmış yazıya gecikmiş cavab. Əslində cavab heç gecikməmişdi, lap yerindəydi. Söhbətin canı ondadır ki, yəni adam adam olar, öyrənər, maraqlanar, dünya görüşünü artırar, bilməməzliliyiylə fəxr eləməz. Fərqi yoxdur ki, bu bilikləri rus dilindən, ingilis dilindən, yosa lap Qvineya adalarının yerli dialektindən öyrənmisən. Ayaz Salayev düz deyir, rus dili olmasaydı çoxumuz dünyadan bixəbər gəzərdik, bir-birimizin oxuduğundan başqa bir şey bilməzdik. Bu lap Mirşahinin arzularına çox oxşadı, deyəsən. Rus diliylə yaraqlanmasaydım hardan bilərdim ki, o boyda Rusiya bir dəstə sektantın yerin altında məskən salmasından narahatdı. Oturub başlarını sındırırlar ki, ordakıları inandırsınlar: «Bəlkə bir bayıra çıxasız?, «Bəlkə Allah işığından özünüzü məhrum eləməyəsiz», «Bəsdirin öz şorabalarınızla, mürəbbələrinizlə dolandız, bizim bişirdiklərimizi də yeyin!», «Heç olmasa uşaqları buraxın!» Onları dünyanın axarını yaşadıqlarına inandıranın özünü psixi xəstəxanaya basıblar. Bax, həmin o kişi əlimə düşsəydi ondan soruşardım ki, «Bu boyda adamın saqqızını necə oğurlamısan? Buralarda bir master klass verərdinmi?»

 


Seçilmiş
Bir etüd və üç nöqtə…
Özümə məktub
On beşinci daş
Röya
Məyusluq bayramı
Böyük səhər sindromu
Çay buxarı ilə meditasiya
Çəhrayı duman
Bir çimdik qırmızı
Qəribə adamlar
Vətənə daş, yoxsa başına daş
Ermənilərə minnətdarlıq
Fakir, foxsa fağır?
İlmələr və qarmaqlar
«Cherchez la femme»
Sevgi naminə
Azadlıq simfoniyası
Palçığa bulaşmış libido
Tənha doğulmuşlar
Utanıram
Susuz balıq
Yaxşı qızlar cənnətə düşür?
Həmişə yubanan sonra
«Keep smiling»
Döyə-döyə
Qurama dünya
«Das Ist Fantastisch!!!»
Milli striptiz
Tutti
Sevgi adlı boyat nağıl
Cəmi bir kadr…
Çağdaş folklor necə yaranır
Zümzümə
Ağ kağız, yoxsa bahalı kətan?
Qum saatı
Kişi üslubunda köşə
İntəhasız meymunlar teoremi
Özüm...
Yuxu dəyərində kopyalar
Ad günü
Güllü günlər
Arvadbazlardan kömək
Şantrapa
Küçələrə su səpmişəm
Darıxmağın min bir rəngi
Danışmaq, yoxsa çərənləmək?!
Qranj
Çeynənmiş ikebana
Bütün yaxşılıqlara ölüm!
Sadizm
Rəqs dərsi
Qəlbi şikəstlərə sədəqə vermirlər
İmpression baxış
Nü...
Etiraf
Peyzaja sıçrayış
Siz deyən olsaydı…
Zorlanmış şəhər
Çılpaq qadın silahdan da güclüdü
Kərtənkələlər
Mənim «mən»im
Nənələr və nəvələr
Qaçan qurbağaların nağılı
Günəşi öldürənlər
Qadın qəddarlığı
Boz şəhərin boz adamları
Səninçün
Şükranlıq
Qanla yuyulan günahlar
İrəli, meymuna doğru!
Qurama üslubunda məntiqsiz köşə
Ağ və Qara
Açar dəliyindən görünənlər
Xoşbaxlığ…, xoşbaxlığ .., yenə də xoşbaxlığ…
Plaqiat, oğurluq, yoxsa abırsızlıq?