Plastilin dünya
Ətrafımızdakı dünya
biz gözlədiyimizdən dəfələrlə maraqlı və gözlənilməzdir
Fikirlərin maddi olması və arzuların beyindən keçən kimi reallaşması
xəbəri təzə deyil. Amma bu məsələyə ciddi yanaşanların sayı azdır. Əvvala
ona görə ki, fikirlərin maddi olduğunu qəbul etmək həyatının keyfiyyətinə
görə məsuliyyəti öz boynuna götürməyə bərabərdir. Bundan sonra «onlar
pisdi», «alınmadı», «sadəcə uğursuzluq zolağındayam» kimi arqumentlər
tamam yararsız olur. Hər şey öz əllərindədir və həyatının keyfiyyəti
də öz fikirlərinin maddiləşmiş məhsuludur. Məntiq buna axıracan inanmaq
istəmir. Dünyanın işıqlı beyinləri bu üsulları çoxdan həyatlarına daxil
etdikləri halda bizdə bəzən bunun nə olduğunu bilən yoxdur.
Bu barədə çox danışırlar. Hətta artıq filmdə çəkilib. Adı «Sekret»dir,
yəni «Sirr». Vaxt vardı, məsələn orta əsrlərdə bu sirri sufilər, müdrik
kişilər bir-birinin qulağna pıçıldayardı. Çünki yerdə qalan cahil insanlar
bunu anlayacaq səviyyədə deyildilər. İndi isə artıq bu barədə hər yerdə
danışılır. Yəqin ki, bunu hamının bilməsi lazımdır, yəni artıq məqam
yetişib.
İnsan günah işlədəndə ağrayır
Hələ ötən əsrin psixoterapevtləri pasientləri trans vəziyyətinə
salarkən bilirdilər ki, seansın uğurlu keçməsi üçün təkcə xəstənin deyil,
həm də həkimin uğurlu sonluğa inanması vacibdir. Əgər seans vaxtı xəstənin
transa düşüb sonra rahatca çıxmasıyla onun sağalacağına inanmasan heç
nə alınmır. Məntiqlə belə çıxır ki, iki nəfərin nəticəyə inanması lazımdır.
Adı çəkilən üsullar çoxdandır ki, dünya alimləri üçün 2x2 qədər sadə
və anlaşıqlıdır.
Dünya özü bir sistemdir. Hər sistem isə daha kiçik sistemlərdən və onun
hissələrindən qurulub: hüceyrə, insan, cəmiyyət. Sistemi elementlər
deyil, onların arasındakı əlaqələr saxlayır. İnsan orqanizmində 2 il
ərzində yenilənməmiş bir dənə də hüceyrə qalmır. Amma insan bunu hiss
etmir və şəxsiyyətinin dəyişməz qaldığını düşünür. Şirkətdə də işçilər
gəlir, gedir, amma şirkətin işi davam edir. Sistemdə əlaqələr hər iki
tərəfə işləyir, sual-cavab, hərəkət- reaksiya şəklində. Sistemin hər
elementi bağlı olduğu başqa elementlər vasitəsilə verilən bütün suallara,
göndərilən bütün enerji formalarına müvafiq reaksiya, yəni cavab verir.
Məsələn, insan günah işlədərkən bunu anlayırsa orqanizm ağrılar şəklində
bu emosiyyalara cavab verir.
İnsan beynində daima çoxlu fikir və ideyalar dolaşır. Onlardan bəziləri
fasiləsiz «uğuldayır», beyinin müəyyən hissəsini zəbt etsə də fikirlərin
sahibi bundan heç xəbər tutmur. Əgər bu sistemi fasiləsiz olaraq arzularımızla
bombalasaq vaxt keçəndən sonra nəticələr gözləməyə haqqımız çatır. Bu
mistika deyil, Kainatın qanunlarından biridir ki, kosmosa göndərilən
enerji nə vaxtsa dolaşıb nəticə ilə birlikdə geri, sahibinə qayıdacaq.
Bəzən olur ki, insanlar ruhani yola qədəm qoyub ruhi kamillikləri ilə
məşğul olarkən onların başına o qədər gözlənilməz, amma pis hadisələr
gəlməyə başlayır. Zəif şəxsiyyətlərin belə məqamlarda əlləri yanına
düşür. Axı o, təmizlənmə yolu keçirsə niyə Kosmos onun yaxşı cəhdlərinə
mənfi cavb verir? Əslində isə proses düzgün gedir. İnsan kamilləşib
bir pillə qalxırsa onun sistemlə kontaktı da yaxşılaşır və tezləşir.
Üstünə qayıdan mənfiliklər isə onun keçmişinin izləridir. Bu məqamda
şərq mistikləri karma terminin işlədir. Karma sözü primitiv dini termin
deyil, məhz bu mezanzmin işləkliyini izah edən sözdür.
Kərəm kimi yana-yana yaşamaq
Bəşəriyyət sifariş masasıdır. Biz isə sifarişçilərik. Bəşəriyyət
fikirləri arıtlamadan hamısını icra edir. Onunçün fikrin pis, ya da
yaxşı olmasının heç bir fərqi yoxdur. Həyatımızdakı bütün hadisələri,
bütün insanları biz özümüz cəzb etmişik. Sağlamlıq, var-dövlət və xoşbəxtliyi
də eləcə. Bu fikir əvvəl adamı şoka salır. İlk reaksiya mübahisə edib
həyatındaık hadisələri istəmədiyini bütün dünyaya başa salmaq istəyirsən.
Axı filan qəzanı mən istəməmişdim! Ya da mən həmişə varlı və xoşbəxt
olmağı arzulayırdım, kasıb və xəstə deyil. Amma artıq həyatını idarə
etməyi öyrənmiş insana bu sözləri desən o müəmmalı şəkildə gülümsəyər
və sizində mübahisə etməz.
Uğursuzluqlarımızın mənbəyi hardandır? Əgər siz maşın arzularkən «ay
Allah, bircə qəza olmasın!» deyəcəksizsə mütləq qəzaya düşəcəksiz. Kainat
«bəli» və «xeyr»i bir-birindən ayırmır. O, göndərilən ünvana sizin enerjinizi
çatdırır və cavabını da qaytarır. İşinizi itirməkdən qorxursuzsa, belə
də olacaq. İlk ixtisarda sizin vəzifəniz lazımsız sayılacaq. «Əlbəttə,
pul çox olsa pis olmazdı, amma onu kim mənə verəcək?» deyirsizsə sizə
pul verən heç kim tapılmayacaq. Kim ki, varlı, imkanlı və özünü bütün
bunlara layiq sayırsa onun imkanı bütün arzularını ödəməyə də kifayət
edir.
Diqqət edin, 3-4 adam görüşüb söhbətləşirsə onlar nə edir? Adətən taledən
şikayətlənir və ucdantutma söyürlər. Qadınlar kişiləri yıxıb sürüyür,
kişilər arvadların əlindən deyinir. Həyatımızdakı problemlərin məsuliyyətinin
böyük hisəsəsi kütləvi iinformasiya vasitələrinin üzərindədir. Televizoru
yandırırsan kriminal və fəlakətlər xəbərləri ön plana çəkilir. Seriallarda
tükürpədici məişət faciələri yaşanır, tok-şoularda eşitdiyimiz əhvalatlar
qanımızı dondurur, şərhçilər dünyanın sonunu təfərrüatıyla təsvir dir.
Televizora baxmasan da bu tip informasiya ürəyinə yol tapacaq. Musiqilərdə
nakam sevgi əhvalatlarından göz yaşları tökülür, itirilmiş sevgi və
xoşbəxtliyin olmaması barədə fəlsəfi düşüncələri eşidirsən. Ona görə
də xoşbəxtlik də gəlib çıxmaq bilmir. Əgər bu informasiyalara şəxsi
filterdən keçirməyi bacarmasan həyatını leyli Məcnun sevgisiylə, yanıq
Kərəm dərdilə və dünyanın bütün nakam sevgiləri ilə yaşayacaqsan.
Axı sən nə istəyirsən?!
Əgər mexanizmin necə işlədiyi aydındırsa həyatınızı kökündn
dəyişməyə hazır olun. Əvvəla keçmizi analiz etmək lazımdı. Çünki indi
yaşadığınız həyat vaxtilə düşündüyünüz fikirlərin artıq reallaşmış variantıdır.
Məsələn, bir qadın şəkər xəstəsi idi. O, əlbəttə ki, şüurlu şəkildə
xəstə olmaq istəmirdi. Amma psixoloqla söhbətində məlum oldu ki, evdəkilərin
onu acımasından ləzzət duyur və özünə diqqəti itirmək istəmir. Psixoloqlar
deyir ki, həyata olan bütün inciklikləri, iradları kağıza yazıb hamısına
birdəfəlik baxmaq lazımdır. Nə istəyirsən? Sənə xoşbəxt olmağa nə kömək
edər? Bundan sonra bütün çatışmazlıqları əyani şəkildə görəndən sonra
gələcəyi təsəvvür etmək lazımdır. Bir ildən sonra nə olacaq, daha sonra
5 il, laz 10 ildən sonra. Təsəvvür etdikcə gələcək barədə qorxular arxa
plana keçir və siz özünüzü taleyin ixtiyarına buraxırsız. Arxulamaq,
xəyalpərəslik etmək də ziyan deyil. Buna vizuallaşdırma üsulu deyilir.
Siz gələcəinizi arzuladığınız şəkildə və xırda detallarına qədər təfərrüatıyla
təsvir edirsiz. Kainat isə ona ötürülmüş enerji selini qəbul etməyə
başlayır. Prosesdə Kainata,Təbiətə, Allaha şükranlıq etmək lazımdı.
Çünki bu ən saf enerji formalarından biridir və mütləq sahibinə bir
qucaq sevinc bəxş edəcək.
Hələ 4-5 min il bundan əvvəl Zərdüşt peyğəmbər «Saf fikir, saf söz,
saf əməl» deyəndə elə bu kosmik qanunu nəzərdə tuturdu. Bu çox mürəkkəb
prosesdi. Xüsusilə də əgər siz şikayət edib günahkarları kənarda axtarmağa
artıq öyrəşmisizsə. Pisi görməmək və ya özünü görməməzliy vurmaq çox
fərqli anlayışlardır və fərqli də nəticələr verir. Ətrafında pisliklərin
olmadığını düşündükdə onlar birdən olmasa da tədricən yoxa çıxmağa başlayır.
Gələcyin müsbət planlaşdırılması artıq dünya praktikasında şirkətlər
səviyyəsində çoxdan tətbiq edilir. Vaxtilə Qobustan qayalıqlarında iz
salmış bu üsulla (Maralın şəklini qayada cızıb oxlarla onu vurmaqla
sabahkı ovun planını kosmosa messaj göndərmək) yığışıb şirkətlərdə gözlənilən
müsbət yenilikləri kollektiv şəkildə müzakirə edirlər. Bizdə el arasında
deyirlər ki, 7 qadın bir yerə toplaşıb, əl-ələ tutub eyni arzunu səsləndirsə
bu tezliklə baş verəcək. Cümə namazında da, kütləvi dua mərasimlərində
də həmin bu mexanizm işlədilir. Kainata müsbət enerji göndərilir ki,
müsbət dəyişikliklər gözləmək mümkün olsun.
Çoxsağolun gücü
Deyirlər ki, dünyanın bütün uğurlu şəxsiyyətlərində bu üsulun
müxtəlif variantları olub. Buna xoşbəxtlik kartı deyirlər. Ortada öz
şəklini iri kağıza yapışdırırsan. Sonra onun ətrafına arzuladıqlarınızı
əl altında olan rəngli jurnallardan kəsib yapışdırırsınız. Maraqlı kollaj
alınır. Həmin kollajı evn ən götünən yerindən asırsan ki, keçib-gedəndə
gözün ora sataşsın. Bunun üçün nə istədiyini artıq dəqiq bilməlisən
ki, hər gün onun maddiləşməsi prosesində sonradan peşman olmayasan.
Bu üsulu işlədənlərin fikricə arzularn 80 faizi reallaşır.
Sadəcə «çoxsağol» sözünün çox böyük müsbət yükü var. Özünüzə minnətdarlıq
daşı tapın. Lap nağıllarda olduğu sehirli çubuğu öz əllərinizlə də yarada
bilərsiz. Hər gün müəyyən əşyanı, bu daş da, çubuq da ola bilər, həyatdakı
bütün yaxşılqlara görə sığallayıb sağol deyin. Məsələn mənim bir tanışım
hər dəfə avtobus dayanacağına yaxınlaşmamış onun tez gəlməsinə görə
minnətdarlıq edirdi. Həqiqətən də o, yaxanlaşan kimi avtobus dayanacağa
çatırdı. Amma kimsə avtobusunu saatlarla gözləyir. Bu üsulun mürəkkəbliyi
ondadır ki, biz niyəsə almamışdan əvvəl şükranlıq etməliyik. Çünki nəyisə
alandan sonra sevinməyə öyrəşmişik, qabaqcadan yox. Biz şükranlıq edərkən
avtobusumuz lar gecikə də bilər, bu bizi hiddətləndirməməilidir. Çünki
biz bu günümüzü yox, gələcəyimizi planlaşdırırıq. Günlərin bir günü
sizin də sehirli çubuğunuz sehr yapacaq.
Sabahından oğurlama!
«Sekret» filmində hər şey son dərəcə sadələşdirilib. Sən Kainatdan
nəsə istəyirsən, o da sənə onu verir. Az keçmiş, ya çox keçmiş , amma
mütləq verir. Heç kim gələcəyi planlaşdırmağın çətinlikləri və hətta
ziyanı barədə danışmır.
İnsanın müsbət köklənməsi çox vacibdir. Ona görə də həkimlər onkoloji
xəstələrə diaqnozu demirlər. Çünki ölüm barədə fikirlər onu daha tez
öldürə bilər. Aclıq zamanı insanın 7-ci günündə əlaqsızlıqdan ölməsi
faktları var. Amma məlumdur ki, insan sağlamlığı xətrinə aclıq keçirib
yeməkdən imtina edərsə lap 1 ay da sağ və salamat qalır. Hər şey hansı
məqama köklənməkdən asılıdır.
Hər kəsin bu dünyadan istəyəcəyi arzuları var. Onlar bir-birinə bənzəməz.
Sadəcə təsəvvür edib arzulamaqnan da hər şeyi əldə etmirlər. Həmin arzunu
artıq reallaşmış şəklini bir film kimi özlərinin qarşısında canlandırmalı
və özünü həmin yerdə, yəni arzunun düz mərkəzində təsəvvür etməlisən.
Belə olmasa əgər təzə mebel arzulayırsansa qonşu sənə mebel kataloqu
verəcək. Ya da aldığı təzə mebelə baxmağa dəvət edəcək.
Bir hadisəni nümunə çəkək. Onu televizorda izləmişəm. 2 qızı olan bir
ailəni göstərirdilər. Qızlardan biri kifir, o biri qəşəng idi. Ana danışır
ki, kifir qız əvvəl doğulub. O isə həmişə qızlarının gözəl olmasını
arzuladığından ikinci dəfə hamilə qalanda hər gün doğulacaq qızın gözəlliyini
təsəvvür edib. O, hansısa foto modelin şəklini əlində tutaraq hər gün
ona tamaşa edir və doğulacaq qızının hər xırda detalını gözləri önündə
canlandırırdı. Nəticədə onun çox gözəl ikinci qızı doğulur. Bu iki qıza
baxanlar inana bilmir ki, onlar bacıdır. Ananın fikirləri pozitiv olduğundan
asanlıqla reallaşdı. Ona görə də bizdə hamilə qadınları yas mərasimlərinə
gəlməyə qoymur və kifir adamlara baxmaqdan qoruyurlar.
Arzuların reallaşma metodunu həyat normasına çevirmişlər deyir ki, arzuya
qoyulan enerji onun reallaşma müddətini müəyyən edir. Həyatda mənəvi
qüvvəsi az olan adamlar da var ki, Kainat onların arzularını demək olar
ki, eşitmir. Kainata göndərilən enerji təmiz, kimsə tərəfindən mənimsənmiş
olmamalıdır. Bəzən naşı adamlar enerjini gələcəkdən oğurlayırlar. Belə
olanda xəstəliklər, zəifliklər yaşanır. Sehirli üsulun maraqlı nəticələrindən
ilhamlananlar az keçmiş onu atırlar. Çünki fikir formaları şəklində
alacaqları oyuncaqlara görə qiymətli enerji ehtiyatını işlətmək istəmirlər.
Arzuların maddiləşməsi üsulunun belə mənfi tərəfləri də var. İnsan nə
istədiyini dəqiq bilməlidir. Az keçmiş onu alandan sonra arzulayan anlayır
ki, əslində heç də istədiyinə çatmayıb. Bu mövzuda məşhur hekayət də
var. Bir nəfər xəstə qızını sağaltmağı arzulayır. Onun qarşısına bir
nəfər çıxır və deyir ki, sabah səhər ən ümdə arzusunun reallaşacağını
görəcək. Kişi səhər durub milyonçu olduğunu görür. Sən demə ürəyinin
dərinliyində gizlətdiyi arzunu Kainatdan gizləyə bilməyibmiş. Qızının
sağalmasını deyil, varlanmağı arzulayıbmış.
Arzularla ehtiyatla davranmalı
Bəzən insanın aurası və fikirləri təmiz olduqda (bunu oruc
tutmaq, meditasiya, ya də xüsusi əhvala köklənməklə əlde edirlər) arzular
və fikirlər o qədər böyük sürətlə maddiləşməyə başlayır ki, müəllif
fikrinin ona nə dərəcədə lazım olduğunu da dəqiq müəyyənləşdirməyə vaxt
tapmır. O zaman maddiləşdirdiyin hər arzu, istək, fikir üçün məsuliyyət
hissi əmələ gəlir. İnsan istəmədən başqasına ziyan vuracaq bir şeyi
istəyə bilər, ya da arzusu ətrafındakılara zərər gətirməklə vicdan əzabı
verə bilər. Belə şəraitə düşənlər adətən Yaradandan heç nə istəməmyə
üstünlük verirlər. Onsuz du bütün alacaqlarımız maddi dünyanın nemətləridir.
Ona görə daha dəyərli olan mənəvi enerji sərf etmək israfçılıqdır.
Bir tək insanın arzusu olduğu kimi, ailələrin, nəsillərin maddiləşəcək
arzları və eləcə də millətlərin ümumi fikirləri və istəkləri olur. Bəzi
mənbələrə görə fikir işıq sürətindən tez sürətlə hərəkət edir. Onun
işini suya atılmış daşlar kimi təsəvvür edirlər. Daş suyun üzərində
balaca dairələr yaradır. Sonra bu dairələr böyüyüb bütün gölün səthini
dalğalandırır. Arzularımız da eləcə bütün canlı aləmi təlatümə gətirir.
Millət bir parça çörəyə görə də, Qarabağ boyda böyük arzuya görə də
Kainatı eyni dərəcədə çalxalandırır. Qarabağı istəmək həm də orda olacaq
müharibəni də istəmək deməkdir. Kainat üçün orda yaşayan insanların
milliyətinin fərqi yoxdur.
***
Qədim zamanlarda fikrin gücüylə işə salınan uçan aparatlar vardı. Onun
dəqiq təsvirləri hind sanskrit yazıllı mənbələrində, eləcə də Amerikanın
aborigen tayfalarının mifologiyasında, həm də qayaüstü oymalarda qalıb.
Deyirlər ki, faşist Almaniyası müharibə apararkən gizli laboratoriyalarda
Tibet monaxlarından öyrəndikləri mantrlarla psixi enerjini hərəkətə
gətirməyi öyrənib insan fikirlərinn gücüylə uça bilən aparatlar yaratmışdılar.
Məğlub olandan sonra həmin bunkerlər minalanaraq ruslardan və amerikalılardan
gizlədildi. İndi həmin bu fikir enerjisi ilə həyatını dəyişmək istəyənlərə
evdən çıxmadan onlayn dərslər keçir və çoxlu ədəbiyyat təklif edirlər.
Ehtimal etmək olar ki, bəşəriyyət artıq bu tip informasiyanı həzm edəcək
səviyyəyə çatıb artıq. Azərbaycan dilində bu barədə məlumat tapmaq mümkün
deyil. Ana dilində danışanlar belə informasiyalardan təcrid edilib.
Ancaq hələ bilmək olmur ki, gizli cəmiyyətlərin sirrlərinin aşkarlanması,
massonların sirrlərinin artıq mətbuata və televiziyaya çıxarılması tərəqqiyə
xidmət edir, yoxsa əksinə.
Qadın baxışı