Saytda azanlarchun
Saytda aznlarchun
Yazrlar
Yazarlar
Dushunurem gule-gule
Dushunurem gule-gule
Letifeler
Testler
Testler
Her sheyin xirdasi
Aforizmler
Aforizmler
Etimologiya
Kelam dolmasi
Kelam dolmasi
Qonaq otagi
Qonaq otagi
Bizimle elaqe
Karikatura
Karikaturalar

Onun arabası var…

Avtomobilini göstər, xasiyyətini deyim…


İnsanın xasiyyətini onun vərdişləri, maraqları, yeməyi, üstünlük verdiyi meyvələrlə müəyyən etmək olur. Bunların sırasına avtomobilə olan marağı da əlavə etmək olar. Sahib olduğu, yaxud yiyələnmək istədiyi avtomobilin bir çox parametrləri insanın bəzi xüsusiyyətlərini ortalığa çıxarır. Bu parametrlər əsasən avtomobilin ölçüsü, rəngi, forması, ötürücü qutusunun mexaniki və ya avtomat olmasıdır.

İri avtomobil yiyələri özünü əhəmiyyətli, kiçik avtomobil yiyələri isə əhəmiyyətsiz fiqur sayır
Əgər insan böyük avtomobil arzusundadırsa, deməli, o, şəxsiyyət kimi genişlənmək, olduğundan daha da böyük görsənmək və özünün nə dərəcədə əhəmiyyətli fiqur olduğunu göstərmək istəyir. Bu da bir çox halda onun özünü reallaşdıra bilməməsinin, bəzi planlarının həyata keçməməsinin göstəricisidir. Bəzi şəxslər isə kiçik ölçülü avtomobilə üstünlük verir. Bu həmin adamların özlərinə aşağı qiymət verməsinin göstəricisidir.

Rənglər nəyə dəlalət edir?
Avtomobilin rəngi də əhəmiyyətsiz deyil. Avtomobil sahibinin seçdiyi rəng onun həyatda nələri əldə etmək istədiyini, yaxud da nələri itirdiyini göstərir. Avtomobilinə rəng seçənlər məhz bu yolla başqa sahələrdə əldə etmədiklərinin yerini doldurmaq istəyir. Qırmızı rəng instinktivliyə işarə edir. Bu rəngdə avtomobil seçənlər daha çox hərəkət etməyi, özlərini göstərməyi sevir. Sarı rəng avtomobilə üstünlük verənlər hökmranlıq etmək arzusunda olan insanlardı. Yaşıl rəng sakitliyə işarə edir. Tünd yaşıl rəngdə avtomobillərinin sahiblərində emosiyalar və hisslər gizli qalıb. Mavi rəngdə avtomobilləri, adətən, ünsiyyəti xoşlayan adamlar seçir. Göy ağıl rəngi hesab edilir. Bu rəngdə avtomobilləri seçənlər dünyanı emosiyalar və hisslərlə deyil, ağılla qavrayırlar. Bənövşəyi rəng avtomobillərə yaradıcı və zərif insanlar üstünlük verir. Onlar hamı üçün açıq insanlardı və dünyanı əsasən intuisiya vasitəsi ilə qavrayırlar. Ağ birləşdirici rəngdir. Bu rəngi seçənlərdə, demək olar ki, bütün meyllər var. Bundan başqa, ağ rəngli avtomobil sahibləri təmizlik tərəfdarıdırlar. Qara və boz rəngi nəzərə çarpmağı, çox görünməyi xoşlamayan sürücülər seçir. Bununla yanaşı onlar vəziyyətə nəzarət etməyə də can atırlar. Psixoloqlar onları kölgə fiqurları adlandırır.

Konservatorlar köhnə, gənclər sürətli, qadınlar isə təhlükəsiz avtomobil seçir
Avtomobilin forması da onun sahibi haqqında bir çox şey deyə bilər. Bəzilər bir neçə on illik bundan əvvəl dəbdə olan kələ-kötür formalı avtomobilləri xoşlayır. Bu, onu göstərir ki, belə avtomobilin sahibi on illər bundan əvvəl formalaşan prinsip və əqidələri rəhbər tutur. Belə sürücülər yenilikləri çətinliklə qəbul edirlər. Onlar başdan-ayağa qədər konservatordular. Müasir dizayna üstünlük verən sürücülər zamanı daha yaxşı hiss edir, istənilən vəziyyətlə rahat vidalaşa bilir, dəyişikliyə meyilli olurlar. Təbii ki, bu xüsusiyyət daha çox gənc nəslə xasdır. Bəzi sürücülər avtomobilin xarici görünüşündə heç bir dəyişiklik etməsələr də, salonun bəzədilməsinə əhəmiyyət verirlər. Bu, ilk növbədə onların komforta can atdıqlarının göstəricisidir. Avtomobilə göstərilən diqqət insanın psixotipi barədə fikir söyləməyə imkan verir. Köhnə avtomobilləri bərpa etməyi sevən sürücülər isə bir növ öz keçmişlərini bərpa etməyə çalışır. Bu da həyata nəzarət etməyin bir yoludur: əgər insan nəyisə öz əlləri ilə bərpa edə bilirsə, bu, ona hadisələri idarə etmək üçün inam verir.
Sürət ötrücüsünün də rolu var
Avtomobilin hətta ən xırda detalı onun sahibinin xasiyyətini, cinsini və vərdişlərini göstərə bilər. Məsələn, gənc vaxtlarında hamı sürətli yaşamaq istəyir və buna görə də yüksək sürətli avtomobillərə üstünlük verir. Yaşlaşdıqca isə daha çox yaşamağa can atırlar və öz təhlükəsizlikləri barədə düşünürlər. Qadınlar da avtomobil seçərkən daha çox onun necə qorunmasına və təhlükəsizliyinə əhəmiyyət verirlər. Universal avtomobilləri isə işgüzar və təsərrüvatçı adamlar alır. Avtomobilin sürət qutusu da bəzi xüsusiyyətlərdən xəbər verir. Öz həyatını tam idarə etmək istəyənlər və hərəkətə meylli insanlar standart mexaniki otürücü qutusuna üstünlük verirlər. Böyük komfort sevənlər və şəraitə arxalananlar isə avtomat sürət ötürücüsü qutusuna üstünlük verirlər. Bununla onu demək olur ki, avtomobil həvəskarları öz xasiyyətlərini ətrafdakılardan nə qədər gizlətməyə çalışsalar da, onların avtomobilləri bütün sirləri açacaq.
Qadınlar əvvəl avtomobili, sonra sahibini seçir
Qadınlar hər zaman avtomobilə fikir verir. Bunu istənilən kişi təsdiq edə bilər. Bütün zamanlarda kişinin atının səliqəsi onun cəngavərliyinin göstəricisi olub. «S-Class Mersedes», yeddinci seriya BMW sahibləri müstəqil, tam təmin olunmuş, yaxşı zövqlü, işgüzar adam hesab edilir. Əgər bu avtomobillər qara rəngdədirlərsə, deməli, sahibinin həm də böyük potensialı var. Köhnə «Mersedes»in sahibi isə, çox güman ki, orijinallıq etməyi sevən ziyalıdır. Adətən, bu avtomobil sahiblərinin başqa bir maşınının olması ehtimalı da böyükdür. «Cip» avtomobillərini isə yalnız yüngül, mobil və ehtiyatlı şəxslər seçir. Bu adamlar sanballı şəxslər olmasa da, hər zaman VİP kateqoriyasına can atırlar. «Gelandewagen» avtomobillərini daha çox idmançılar, kriminal keçmişi olan, yaxşı zövqü ilə seçilməyən və adətən, xəyanətkar olan şəxlər seçir. Qırmızı «Ferrari» sahibi olan kişilər isə savadsızlığı ilə fərqlənir. Əgər bu avtomobil qara rəngdədirsə, qadınların fikrincə, belə kişilərin, həqiqətən də, başla bağlı problemi var. Həmin kateqoriyaya sarı damadama salonu olan BMW-nin sahiblərini də aid etmək olar. Təcrübə göstərir ki, belə avtomobil sahiblərindən uzaq durmaq lazımdır. Onlarla ciddi münasibətlər qurmaq olmaz. Avtomobilin xarici görünüşü də sahibi haqqında fikir deməyə əsas verir. Təmiz və səliqəli avtomobilin sahibləri özünə həddən artıq diqqət yetirən, səliqəsiz avtomobillərin sahibləri isə tənbəl, eqoist, hamıya qarşı çıxan şəxslərdi.

Fizzə