Özünə dirsəklə yol açmaq prinsipi

Əslinə qarsa, şəhərimiz balacadı. Çünki pis, ya yaxşı xədərlər burda ildırım sürətiylə yayılır. Kimsə xəbəri qəzetdən öyrənir, kimsə televiziya, kimsə telepatik kanallardan alır. Bir də gördün ki, camaatın üstündən xəfif xəbər dalğası əsdi: «Marketin yanındakı bankomatda pul qurtarıb. Dayanacaqdakı bankomat havalanıb elə «başqa əməliyyat seçin» deyib sayıqlayır. Amma şadlıq evinin yanındakı cihazın başına yığılan adamların sayından bəllidir ki, hələ də ümid var...»

- Deyin də axırıncı kimdir?
- Məndən sonra 6-7 nəfər növbə tutub. Hamısını yadımda saxlaya bilmədim. Sarısaç qadın uşağı məktəbə qoyub gələcək. Ağbaş kişininsə çox vacib işi vardı, dedi ki, harda olsa özünü yetirəcək.
- Heç inana bilmirəm, bu gün çox uğurlu gündür!
Yoldan keçən görkəmindən pensioner olduğu tökülən bir xala:
- Nə verirlər? (Camaatın göz-qaş süzdürməsini, nırçıltısını heç vecinə almayaraq) Deyin görüm maaşdı, yoxsa pensiya?
- Ay arvad, bu vaxt pensiya olar. Pensiyanı artıq xərcləmisən, yəqin. Bir ay dözə bilmirsən?
-......
- Mən o yaşda da növbəyə durmalı olsam, pensiyamı zülmlə alsam heç o yaşa çatmasam yaxşıdı!
- Mənim nənəmin pensiyasını evə gətirirdilər o vaxtlar...
- Yarım saatdı heç yermizdən tərpənmirik. Bir o qabaqdakılardan soruş gör nə olub?
- Ekrana heç yaxın düşmək olur ki? 6-7 adam baş-başa bankomatı əsarətə alıb elə bil...
- Vallah bu milləti niyə belə incidirlər?! Hamıya eyni kodu versəydilər nolardı? Onsuz da belə bashabasda kodunu məxfi saxlaya bilərsən? Min dənə göz baxır. (Əyiib yanındakının qulağına pıçıldayır) Mən sənə həyatda dirsəklərinlə özünə yol açmaq prinsipini əyani şəkildə göstərəcəm, bax...
- Növbədəki kişilər lap quzu kimi durub. Amma o arvadları aldatmaq olar?
- İndi görərsən. (Dirsəklərini işə salaraq) Ay bacı, bacarmırsan sənə kömək eləyim də, bir dillənsənə. Soruşmaq ki, pulnan deyil. İcazə verin, icazə verin, xalaya kömək lazımdı. Hə, xalacığım, kodunu de, yığım...

İrəliləmiş nömbə tanışının ardıyca həsədla baxıb yenə də öz yerində qalmış oğlan:
- Adamda həya-abır yaxşı şeymiş. Xalaya bax da, kartını da, kodunu də tanımadığına necə etibar elədi?
- Belə olur ki, juliklər kef eləyir. Tanışımın başına gəlib, bilirəm. Birindən xahiş edib ki, bax gör hesabımda pul var, ya yox. Julik kodu yadda saxlayıb yalandan deyib ki, heç nə yoxdu. Əldən zirəklik eləyib həmin kartın əvəzinə başqa bir kartı yiyəsinə qaytarıb. 3 dəqiqədən sonra yenə də qayıdıb pulu götürüb.
- Hə düz deyir, belələri bankomatların yanında dayanıb şikarını gözləyir. Günə 5-6 pensioner aldadır.
- Bankomatı fikirləşənlər bilmirdi ki, millətçün 4 rəqəmli kodu yığıb pul çıxarmaq ali riyaziyyatdan məsələ həll eləmək kimi bir şeydi? Bizdə hamı öyrəşib ki, halalca pulunun qalığını sifətindən zəhrimar tökülən kassirə nəzir versin.
- Yaxşı o oğlan pulunu aldı, getdi. Amma növbə tərpənmədi.

Bu anda «onluqlar qurtardı, təkcə manatlıq qalıb» hökmü eşidilən kimi arxadakıların gözündəki ümid işığı sönməyə başladı.
- Camaat bankomat 20 manatdan artıq məbləği vermir, bilin. Başqa rəqəm yazsaz imtina edəcək!!!
- Sən bir fikir ver, xalanın əlində bir paçka kart var. Bütün nəslinin pulunu almağa gəlib?
- Ay bacı, biz də adamıq, əl-ayağımız dondu. Bizə də imkan ver pul götürək.
- Gəlin belə danışaq, iki dəfə mən çıxarım, sonra bir nəfəri buraxacam.
- Hələ bir aydınlaşdırmaq lazımdı ki, bu qədər kart onun əlində neynir?! Bəlkə oğurluqdu!?
- Xeyr, mən müdirəm. Eşitdim ki, bankomata pul qoyulub bütün şöbənin əvəzinə pul çıxarmağa özüm gəldim. Yoxsa hər on dəqiqədən biri icazə alacaqdı ki, gedim pul çıxarım.
- İndi sənin bütün şöbənin pulu olacaq, bizim yox!?
- Məndən asılı nə var ki? Özünüz sayın da, hər dəfə 20 manat verirsə 134 manatlıq maaşı neçə dəfəyə çıxara bilərəm. Bəlkə heç bizə də pul çatmadı!..

Mağazaya girib zənbilinə bir çörək, bir də qatıq qoyub artıq geri qayıdan pensioner xala yenə də bankomatın yanından etinasız keçə bilmədi. Sıradakı axaranca duranı çənəsinin altına salıb növbə görəndə oyanan marağını söndürməyə bir də cəhd elədi:
- Bala, bir de görüm, maaş verirlər, yoxsa pensiya? Bayaq anlamadım. Görəsən məni növbəsiz buraxarlar?..



 




 

Seçilmiş
Bir etüd və üç nöqtə…
Özümə məktub
On beşinci daş
Röya
Məyusluq bayramı
Böyük səhər sindromu
Çay buxarı ilə meditasiya
Çəhrayı duman
Bir çimdik qırmızı
Qəribə adamlar
Vətənə daş, yoxsa başına daş
Ermənilərə minnətdarlıq
Fakir, foxsa fağır?
İlmələr və qarmaqlar
«Cherchez la femme»
Sevgi naminə
Azadlıq simfoniyası
Palçığa bulaşmış libido
Tənha doğulmuşlar
Utanıram
Susuz balıq
Yaxşı qızlar cənnətə düşür?
Həmişə yubanan sonra
«Keep smiling»
Döyə-döyə
Qurama dünya
«Das Ist Fantastisch!!!»
Milli striptiz
Tutti
Sevgi adlı boyat nağıl
Cəmi bir kadr…
Çağdaş folklor necə yaranır
Zümzümə
Ağ kağız, yoxsa bahalı kətan?
Qum saatı
Kişi üslubunda köşə
İntəhasız meymunlar teoremi
Özüm...
Yuxu dəyərində kopyalar
Ad günü
Güllü günlər
Arvadbazlardan kömək
Şantrapa
Küçələrə su səpmişəm
Darıxmağın min bir rəngi
Danışmaq, yoxsa çərənləmək?!
Qranj
Çeynənmiş ikebana
Bütün yaxşılıqlara ölüm!
Sadizm
Rəqs dərsi
Qəlbi şikəstlərə sədəqə vermirlər
İmpression baxış
Nü...
Etiraf
Peyzaja sıçrayış
Siz deyən olsaydı…
Zorlanmış şəhər
Çılpaq qadın silahdan da güclüdü
Kərtənkələlər
Mənim «mən»im
Nənələr və nəvələr
Qaçan qurbağaların nağılı
Günəşi öldürənlər
Qadın qəddarlığı
Boz şəhərin boz adamları
Səninçün
Şükranlıq
Qanla yuyulan günahlar
İrəli, meymuna doğru!
Qurama üslubunda məntiqsiz köşə
Ağ və Qara
Açar dəliyindən görünənlər
Xoşbaxlığ…, xoşbaxlığ .., yenə də xoşbaxlığ…
Plaqiat, oğurluq, yoxsa abırsızlıq?