|
Arzunun
içindən doğan arzular
Adətən hər il yeni ildən sonra bütün arzularım qəsdimə dayanır. İlaşırında
hamısı yadıma düşmür ki, Şaxta Babaya mesaj yazım. Amma müsəlmanların
yeni ilinə - Novruza qədər hamısını səliqəyə salıb cütləyirəm. Bəzən mənə
elə gəlir ki, təqvimi yeni il və Novruz arasındakı müddətdə necə yaşadınsa
bütün il belə keçəcək. Ona görə bütün arzularımı səfərbərliyə almalıyam.
Bəlkə yerinə yetdi?..
Ay Allah, olmaz ki, bütün insanlar xeyirxah, mən isə gözəl olum? Vaxtın
olanda kişiləri ağıllandır. Deyirsən, yenə başladın?! Yaxşı onda yeni
maddələr mübadiləsi istəyərəm. Xahiş eləyirəm mənimçün qarabatdaq quşununkundan
göndər. Bu quş öz çəkisindən artıq yesə də heç vaxt bizim kimi eninə artmır.
Bu da dünyanın haqsızlıqlarından biri. Axı qadınlara qamətli bədən qarabatdaq
quşundan daha lazımlıdır! Mən səhərlər dadı sərindiyi kağızdan fərqlənməyən
qara çörəyi yeyə bilərəm və özümü inandıraram ki, gec-tez mən də Keyt
Moss kimi görünərəm. Amma sən də bilirsən ki, bu belə deyil. Yadındı qaldı,
bəli, qarabatdaq quşu…
İndi saçlar barədə. Elə elə ki, mən hər həftə bərbərxanada bir qucaq pul
qoyub çıxmayım. Havanın nəmini çəkəndən sonra pırpızlaşan saçıma təsadüfən
əlimi vursam barmaqlarım kilkələrin arasında ilişir. Hər gün insanlara
necə başa salım ki, mən gecəni vəhvi siçanlarla bir qəfəsdə keçirmirəm.
Ay Allah, sən hes bilirsən ki, epilyasiya necə ağrılı prosesdi? Söz güləşdirmirəm
ha, qadın olmağın da çoxlu müsbət cəhətləri var, bilirəm. Gəmi batanda
bizi qayığa birinci otuzdururlar (faktlar yadıma düşmədi, amma hamı belə
düşünür). Biz yeməyi bağlı ağızda çeynəyib hətta uda da bilirik. Kişiləri
qenekoloji terminlərlə qorxutmağın ləzzətindən heç danışmıram. Amma kəllədən
başqa bütün bədən boyu arzuolunmaz tüklərlə vətəndaş müharibəsi dözülməzdir.
Ya bizə ağrısız prosedur göndər, ya da tüklü qadınları dəbə sal. Biz ki,
inkvizisiya dövründən qalmış alt paltarlarını geymək zülmündən deyinmirik
ki?! O vaxtlar yəqin qadınların qarşısında seçim vardı: ya ocaqda yanmalısan,
ya da daxili orqanlarını poliamid və elastan vasitəsilə sıxıb əzməlisən.
Razılaşmayanların hamısını yandırdılar. Salamat qalmaq istəyənlər indi
nəfəs alım, yoxsa gözəl görünüm qarşısında baş sındırır. Təbii pambıqdan
da geyinmək olar. Düzdü onlar adətən inkişaf eləməkdə olan dövlətlər boyda
olub hadisəni gözüylə görmək istəyənləri hürkütməkdən başqa heç bir effekt
vermir. Birdən qəzaya düşüb canımı sənə tapşırdım. Axı sən istəməzsən
ki, morqda «paraşütlərə baxın!» deyib milləti başıma yığsınlar.
Yadında qaldı? Yemək azkalorili, göyçək kişiləpsə qeteroseksual olsun.
Hə, bir də ki, sevdiyimiz insanlar danışmağa söz tapsınlar. Deyirsən alınmaz,
öyrənə bilməzlər? Bəs biz güzgüyə baxmadan bir hərəkətlə dodaq boyamağı,
iş, ev, məişət qayğılarıyla dolu «torba»nı dalımıza şələməyi necə öyrənmişik?
Yalvarırıam, qoy onlar özlərini göylərin hədiyyəsi saymaqdan bezib usansınlar.
Sonra onların qulağına pıçılda ki, evdəki də işdə qadınlara göstərdiyi
flirtə layiqdir, simiclik eləməsin.
Sonra nə deyəcəkdim, hə, elə elə ki, gələn 8 marta qədər qırışlara qarşı
krem nəhayət ki, əmələ gəlsin. Birdən onlar sənə yalvarıb 8 martı yığışdırmağı
xahiş eləsələr, qulaq asma. Onlar bu qədər bədbəxt qadının baxışlarından
utanıb ölərlər. Az qala unutmuşdum, sellülit! Bağırsaq infeksiyasının
adına bənzəsə də bu qadınların qarğışıdır. İndi o, hamıda var, arıqda
da , kökdə də… Eh, keçmişdə kişilər belə şeylərə baxmazdı. İndi sən yüngül
qadın, ya da Klara Kroft kimi sərdabə oğrusu olsan bunu sənə bağışlarlar,
amma selüliti yox. Sən yu, yığışdır, dahilər doğ, şahzadələyə ərə get,
Nobel mükafatı al, dövləti idarə elə - fərqi yoxdu. Əgər selülitli şəklin
qəzetlərə düşsə dünya çönər: «Vay, vay! Filankəsin sellüliti var! İlahi,
bundan sonra necə yaşayasan?». Belə duaları eşitsən qulaq ardına vur.
Ya da selüliti yığışdır. Heç birinə vaxtın çatmasa onda kişilərimizi gözütox
və ağıllı elə. Çaşdırmazsan ki?
|
|
