Əsrlər
boyu insanın gələcəyini bilmək ehtirası onu müxtəlif sistemlər
yaratmağa sövq eləyib. Qədim yunan riyaziyyatçısı Pifaqorun
sistemi də bu yöndə axtarışlardan biridir. O, gələcəyi
öyrənmə metodunu rəqəmlər və onların izahı üstündə qurub.
Pifaqor uzun illər daqonların qəbiləsində yaşayıb. Deyələnə
görə onlar sirli atlantların nəinki müasirləri, həm də
şagirdləri olublar. Pifaqorun bu qəbilədə öyrəndiyi və
məhdud sayda insanlara agah olan həqiqətləri sistemləşdirərək
yaratdığı üsul indiyədək insanları heyrətə salır. Pifaqorun
sistemi insan və onun xasiyyətindən bəhs edir. Bizim tam
mahiyyətimiz doğulduğumuz tarixdə artıq müəyyənləşdirilib.
Pifaqor sistemi reinkarnasiya ideyasına əsaslanır – ruhun
çoxsaylı təmsili və onun müxtəlif bədənlərdə olan həyatı.
Ona görə də bu üsul doğulan zaman alınmış qüvvəni təyin
etməyə imkan verir.
Pifaqorun
üsulu 9 kvadrat sistemindən ibarətdir, ora doğum gününün
rəqəmləri yazılır. Pifaqorun təklif elədiyi sistemə görə
rəqəmlərin köməyi ilə doğum gününü bilən şəxs özü və doğum
tarixi bilinən hər hansı adamın xasiyyətini müəyyən eləyə
bilər. Bu taleyin hökmü deyil, təbiətin bəxş elədiyi neməti
necə reallaşdıracağı insanın özündən asılıdır. Ehtimal
ki, ətraf mühitin, şəraitin də rolu az deyil. Əgər valideynlər
öz uşaqlarını anadangəlmə xasiyyətilə tərbiyə etsəydi
, onda yer üzündə istedadlı və qeyri-adi insanlar daha
çox olardı.
Pifaqor
üsulu bu nümunə ilə hesablanır:
1.
Təvəllüd: məsələn, 27. 06. 1948.
İlin
rəqəmlərini toplayırıq: 1+9+4+8=22
2.
Doğum gününü və ayı toplayırıq: 2+7+0+6=15
3.
Alınmış iki ədədi toplayırıq: 22+15=37 – aldığımız ədəd
birinci işçi ədəd adlanır.
4.
Birinci işçi rəqəmin ədədlərini toplayıb 3+7=10 – ikinci
işçi rəqəmi alırıq.
5.
Birinci işçi rəqəmdən doğum gününün birinci ədədinin ikimislini
çıxırıq: doğum günü 27, birinci ədədi 2 (əgər 08 olarsa,
onda ikinci (8) ədədi götürürük). 37-2x2=33 – üçüncü işçi
rəqəmini alırıq.
6.
Üçüncü inçi rəqəmin ədədlərini toplayırıq: 3+3=6 – dördüncü
işçi rəqəmi alırıq.
7.
Deməli bizim birinci işçi rəqəmimiz – 37, ikinci işçi
rəqəmimiz - 10, üçüncü işçi rəqəmimiz - 33, dördüncü işçi
rəqəmimiz – 6-dır. İndi rəqəmləri iki cərgə ilə yazırıq:
birinci cərgə təvəllüdün rəqəmlərindən tərtib edilib:
27.06.1948 (Pifaqora görə 0 rəqəmi qeyd olunmur). İkinci
cərgə işçi rəqəmlərdən ibarətdir: 37.10.33.6
Həmən sıraları
yan-yana qoyub cədvəli doldura bilərsiz. 9 şöbəli kvadrat
cədvəl çəkirsiz. 1-dən 9-a qədər rəqəmlərə uyğun damalara
təkrarlanan rəqəmləri yerinə yazın. Sonra hər damada
hər rəqəmdən neçəsinin dayandığını müəyyənləşdirib testə
uyğun hissəni oxuyun.
Neçənci
dəfədir ki, dünyaya gəlirsən?
27.6.1948
– birinci cərgəni topladıqda 7 ədədi əmələ gəlir.
37.1.33.6
– ikinci cərgəni topladıqda 6 rəqəmi alınır.
7+6=13
Pifaqora
görə, hər bir insan dünyaya 15 dəfə gəlir. Bu iki gcərgədəki
ədədlərin sayı və ya cəmi bu insanın 13 dəfə dünyaya gəlişini
söyləyir.
1-ci
kvadrat (insanın xasiyyəti, iradə)
1-
son dərəcə eqoist (ancaq o yaşamalıdır).
11
– eqoizmə yaxın xasiyyət (həmişə özünü tərifləyir).
111
– üzüyola, yaxşı xasiyyət.
1111
– çox iradəli, güclü xasiyyət.
11111
– diktator, müştəbeh adam.
111111
– nadir hallarda rast gəlinir, çox qəddar adam. Amma yaxın
adamı üçün mümkün olmayanı eləməyi bacarır, lakin onunla
yola getmək çox çətindir.
2-ci
kvadrat (bioenerji)
- bioenerji yoxdur, təbii kanallar enerjinin intensiv
yığılması üçün açıqdır.Bu adamlar köhnə şeyləri xoşlayır,
ətrafdakılara münasibəti pis deyil. Təbiətcə tərbiyəli
olurlar.
2
– bioenerji kifayət qədərdir, lakin idmanla məşğul olmaq
lazımdır. Havanın, atmosferin dəyişkənliyinə çox həssasdır.
22
– bioenerji kifayətdir, hətta başqalarını müalicə eləyə
də bilər.
222
– yaxşı ekstrasensdir.
2222
– bu insanlar əks cinsi çox sevir. Bura 666 da əlavə edilsə
özünüzü ayağı sürüşgənlikdən qoruyun.
3-cü
kvadrat (səliqəlik, dəqiq elmlərə meyllik)
- çox təmizkar, punktual. Cəmiyyətdə söhbətləriylə fərqlənirlər.
3
– bu adamları səliqəsizlik narahat edir, lakin istəyirəm
edirəm, istəmirəm – etmirəm – prinsipi ilə yaşayırlar.
Hər şey əhval –ruhiyyədən asılıdır. Onlarçün qənaət eləmək
havanı balonlara doldurub saxlamaq kimi bir şeydir.
33
– elmə meylli olurlar. Yaxşı riyaziyyatçı, kimyaçı, fizik
ola bilər.
333
– elmlərə ikiqat meylli, əgər elmlərdə özünü reallaşdıra
bilmirsə, həddən artıq xırdaçı və təmizkar olurlar. Belə
adamın başını vaxtında elmlə qatmasan o, ədalət, bərabərlik
axtarışı və simicliyi ilə hamının zəhləsini tökəcək.
4-cü
kvadrat (səhhət, sağlamlıq xarakteristikası)
- bu adam çox bərk xəstələnəcək, xüsusilə də 2-lər çox
olarsa. Onlar uşaqlıqdan bəri xəstəhal olurlar.
4
– xəstələnəcək, ancaq bərk yox, orta statistik səhhət.
Belələri bütün bədənlərini məşq elətlirməlidir. Hamıdan
çox xəstələnməsələr də qocalana yaxın lap əldən düşürlər.
44
– sağlam adam, çox ehtiraslı və seksual. Təbiətən təbiblik
bacarıqları olur. Başqasının xəstəliyini götürə bildiyindən
özləri də xəstələnə bilər.
444
– eyni şey ancaq ikiqat qüvvə ilə. Çox sağlam və çoz seksual
adamların işarəsidir.
5-ci
kvadrat (intuisiya, məntiq)
- anadan olandan intuisiya kanalı bağlıdır, ona görə adam
həmişə nə isə sübut eləməyə çalışır. Həmişə fikirdə, eksperimentdə.
Həyat təcrübəsi göstərir ki, bu insan tərəfindən çoxlu
səhvlər buraxılacaq. Bu insanlara yaşamaq çox çətindir,
hər şeyə öz «başları» ilə nail olurlar. Başqasının təcrübəsindən
yararlana bilmirlər. Adətən çox qəribə peşə seçirlər.
5
– kanal açıqdır, bu insanlar həyatda az səhv buraxır.
Nəticəni düzgün hesablayıb problemdən çıxış yolu tapa
bilirlər.
55
– intuisiya güclü inkişaf edib. Onlardan müstəntiqlər,
hüquqşünaslar alınır. Çin olan yuxular görürlər, adam
tanıyan olurlar, xasiyyəti sifətdən oxuya bilirlər.
555
– «uzaqgörənlər», səhvə yol vermirlər, nə elədiklərini
dəqiq bilirlər. Öncəgörməlik qadliyyəti də olur.
5555
– ətrafda baş verən hər şey onlara aydındır. Filosoflar
və xəyalpərəslər və yüksək hissiyatlı ekstrasenslər olurlar.
Bəzən vaxt və məkandan qırağa çıxa da bilirlər.
6-cı
kvadrat (torpağa bağlılıq, fiziki əmək)
- insan bu dünyaya hansısa peşədə usta, peşəkar olmaq
üçün gəlib. Xoşladığı fiziki əmək ona zəruridir. Gözəl
bədii zövqü olsa da fiziki işdən çəkinmirlər. Zərif naturalı
olsalar da «yox» deməyi də bacarırlar.
6
– yerə bağlanıb, oxumağı, fiziki əməklə məşğul olmağı
xoşlayır.
66-
yerə çox bağlı adamdır. Əməyi sevir, lakin bu ona lazım
deyil. O, ağlının inkişafı üzərində çalışmalıdır.
666
– Şeytan işarəsidir. Çox ehtiraslı və cazibədar olurlar.
Onun tərəf müqabilinin xasiyyətnaməsində çoxlu 2 olmalıdır.
6666
– insan keçmiş həyatlarında yerə çox bağlı olub. Çoxlu
işləyib. Bu insan üçün fiziki əmək ağır deyil. Əgər 9
kvadratında bir rəqəmdən çoxdursa, ali təhsil mütləq lazımdır.
7-ci
kvadrat (istedad, ilahi qığılcım, uğur)
- bu insan özünə gələcək həyatında 7-lər qazanmaqçün doğulub.
Çox ağır həyatı var. Çox vaxt dindar olur.
7 – ilahi qığılcım, insanın həyatı 7-sizlikdən bir qədər
yüngüldür, istedad var, lakin çox aydın ifadə olunmayıb.
77
– çox güclü işarədir. Əgər onu tam qüvvəylə inkişaf elətdirsə,
mələyə oxşar işarədir. Adam musiqisevərdir, bədii zövqü
var, şəkil çəkməyi bacarır. Hesabında 1 və 2-ləri də varsa
iddiası istedadını qabağa apara biləcək. Onun hər şeyi,
həm pisi, həm də yaxşısı var. Qarşısında bağlı qapıları
da olmayacaq.
777
– xüsusi işarədir. Bu adamlar bir qayda olaraq Yer üzünə
qısa müddətə gəliblər. Ciddi problemləri ola bilər.
7777
– mələk işarəsi. Bu işarəli adamlar körpə vaxtı ölürlər.
Əgər yaşayırlarsa, onda çox zaman fəlakətə, qəzalara düşürlər.
Həyatı ilə daim risk edirlər və adətən təhlükəli peşə
seçirlər.
8-ci
kvadrat (vəzifə borcu, yanımlılq, səbr, xeyirxahlıq)
- aldığını qaytarmağa tələsmir. Borc almağı sevmir, çünki
qaytarmaq lazım gələcək.
8
– vəzifə borcu inkişaf edib. Tabeçiliyində bircə belə
adam varsa həmin müdir gecəni rahat yata bilər.
88
– vəzifə borcu çox inkişaf etmiş, gördüyünə həmişə kömək
etmək arzusu var. Ona görə də öz həyatı çox çətindir.
888
– xalqa xidmət etmə işarəsidir. Bu İndira Qandinin işarəsidir.
Bu işarə altında olanlar dövlət üçün tapıntıdır.
8888
– bu işarə 1988-ci ildə olub. Həmən uşaqlar parapsixoloji
xüsusiyyətləri ilə doğulur, dəqiq elmlərə qabliyyətli
olurlar. Çox nadir hallarda rast gəlinir.
9-cu
kvadrat (ağıl, dərrakə, yaddaş)
9
– ömür boyu çarpışaraq bu insan öz intellektini inkişaf
etdirməlidir.
99
– anadangəlmə ağıllı başdır, lakin həvəssiz oxuyur.
999
– təbiətən ağıllıdır. Bütün bilikləri «göydə» qapır. Yüksəyə
ancaq bir sahədə çatır. Ona görə də başqa elmlər və praktiki
biliklər istiqamətində öyrənməyi xoşlamır. Gözəl məsləhətçi
və müsahib olduğundan ətrafındakılar ona həsəd aparır.
9999
– Nadir ağlı olan bu adamlara həm də həqiqətlər bəllidir.
Amma yaxın adamları ilə kobud və şəfqətsizdir. Onlar özündə
ruhi keyfiyyətləri inkişaf elətdirməlidir. Amma bunu onlara
başa salmaq çox çətin olur.
Pifaqor
kvadratının hər bölməsində rəqəmlərin sayını hesablayandan
sonra bəlkə də xasiyyətiniz barədə yeniliklər öyrənəcəksiz.
Amma kvadratda 4 dənə 7 olarsa kazinoya cummaq, ya da
4 olmasa yatağa düşüb qalmaq da lazım deyil. Rəqəmin olmaması,
ya da artıqlığı sadəcə bir siqnaldır. Həmin keyfiyyəti
cilalayıb, ya da qabartmaq artıq öz əlinizdədir. Bundan
başqa rəqəmlər öz arasında da müəyyən münasibətdədir.
Horizontal üzrə birinci sıra (1, 4, 7 –ci kvadratlar)
insanın məqsədyönlüyndən danışır. Həmən sırada rəqəm tamam
olmasa bu insanın məqsədi də yoxdur. O, başqalarına arxalanır.
Bir rəqəm olarsa insanın inamı söz və mübahisələrdən o
yana keçmir. 2 rəqəmin olması həyatda yavaş-yavaş gəzişənlərin
işarəsidir. Belələri əvvvəl özünü və imkanını qiymətləndirib
sonra işə baş qoşur. 3 rəqəm məqsədində o qədər də təkid
eləməyənlərin işarəsidir. 4 rəqəmi olanlar artıq məqsədinə
doğru inamla irəliləyir, amma imkanını bir qədər gec dəyərləndirir.
Birinci sırada 5 rəqəmi olanlar öz məqsədinə çatmaqçün
başqalarını ayaqlayıb keçə bilər. 6 rəqəm artıq şişirdilmiş
məqsəddən danışır, bu da onu irəli getməyə qoymayacaq.
İkinci
sətir (2, 5, 8 –ci kvadratlar) ailəcanlılıq keyfiyyətlərinin
göstəricisidir. Rəqəm yoxdursa beləsini yalnız iş və karyera
maraqlandırır. Bir, ya da iki rəqəmi olanlar ailənin rolunu
anlasa da hər şeyin öz-özünə qaydaya düşəcəyini gözləyir.
3 rəqəmi olanlar ailəsi olsun, ya olmasın arasında azıb
qalıb. Onlar əlinə imkan düşən kimi bundan mütləq istifadə
edib evlənməlidirlər. 4 rəqəm ailəcanlı adamlarda olur.
İkinci sırada 5 rəqəmi olanlar özünə və ailə üzvlərinə
qarşı böyük tələblər sürməklə hamını incidir. 6 rəqəmi
olanlar ailəni o qədər yüksək tutur ki, bəlkə də heç vaxt
evlənmədilər.
Üçüncü
sətir (3, 6, 9-cu kvadratlar) stabilliyin, yəni adətlər,
qorxu, dəyişiklikdən çəkinməyin göstərcisidir. Rəqəm yoxdursa,
ya da bir dənədirsə bu təbiətcə inqilabçıdır. O özünün
və başqalarının həyatını dəyişməkçün yaşayır. 2 rəqəm
isə zirək adamlarda olur. 3 rəqəm səbatsız, adətlərini
dəyişənlərin göstəricisidir. 4-5 rəqəm həyatını dəyişməyi
sevməyənlərdə olur. 6 rəqəmi olanlar özü də anlayır ki,
həyatında nəyisə mütləq dəyişmək lazımdır.
Üfüqi
istiqamətdə birinci sıra (1, 2, 3 kvadratları) insanın
özünü dəyərləndirməyini göstərir. 3 rəqəmə qədər göstəricisi
olanlarda ara-sıra əlinə düşən şansını itirməyi də olur.
Sırada 4 rəqəmi olanlar özünün həqiqi dəyərini bilir.
5 və daha artıq rəqəmi olanlar öz imkanlarını xeyli aşıb
özünü göstərməyə daha meylli olurlar.
İkinci
cərgə (4, 5, 6 –cı kvadratlar) maddi müstəqilliyə can
atmadan danışır. Rəqəm yoxsa, ya da azdırsa bu insan özünü
dolandırmağa təmbəllik edib ağırlığını yaxınlarının üstünə
yıxır. 2 rəqəmi olanlar öz zəhmətinə görə layiqli pul
almayanların göstəricisidir. Belələri arzularını maddi
stabilliyə qurban verə bilərlər. 3 rəqəmi arabir qazanc
dalıyca qaçıb sonra hər şeyi unuda bilənlərdə olur. Sırada
4 və 5 rəqəm maddi tarazlıq uğrunda canını qoyanlarrın
göstəricisidir. 6 və daha artıq rəqəmli insan işləyib
qazanmaqdan daha çox gözdən pərdə asmaqla ətrafındakılara
problem yaratmaqnan məşğuldur.
Üçüncü
sıra (7, 8, 9-cu kvadratlar) insanın istedadının göstəricisidir.
Rəqəm nə qədər çox olarsa, istedad da o qədər çox olur.
Amma unutmaq olmaz ki, istedadın açılmasında özünə qiymət
vermə, məqsədyönlülük, hətta bəxt də öz rolunu oynayır.
Dioqonal
üzrə (3, 5, 7 –ci kvadratlar) insanın cismani maraqlarını
təyin eləyir. Rəqəmsizlik, ya bir rəqəm soyuqluğu göstərir.
Qəribəsi odur ki, məhz belələri xəyanətə qol qoyur. 2,
3 rəqəmin olması normal insan temperamentidir. Sırada
4 rəqəmi olanlar çılğın ehtiraslı olaraq adətən münasibətlərini
tarazlaya bilmir. 5 rəqəm olarsa bu insan intimə incəsənət
kimi yanaşır və daim maraqlarını bölə biləcək tərəf müqabili
axtarır. 6 rəqəmi olanlar öz şəxsi həyatını o qədər yükləyir
ki, az keçməmiş yorğunluq və boşluq onları haqlayır.
Başqa
dioqonal (1,5,9-cu kvadratlar) insanın mənəvi tərəfinə
cavabdehdir. Sırada rəqəmlərin sayı artdıqca mənəviyyatın
səviyyəsi də artıq olur. 6 rəqəmə çatırsa fanatizm təhlükəsi
də ola bilər.
Nəticələri
bəyənmədinsə ruhdan düşmə. Axı sənin taleyin elə özünsən…
Gülnarə
Rəfiq
