Meymun
və balıq
Bir
dəfə güclü sel gəlir. Meymunla balıq selə düşür.
Cəld
olan meymun tez ağaca çıxır və seldən canını qurtarır.
Sığındığı təhlükəsiz yerdən aşağa baxan meymun balığın
güclü axınla necə mübarizə apardığını görür. Yalnız xoş
niyyət güdən meymun aşağa əyilib balığı sudan çıxardı.
Nəticə isə çox acınacaqlı oldu.
Enşteyn və intellekt
Enşteyndən
özünün və digər adamların intellektı arasında olan fərqin
nədən ibarət olduğunu soruşurlar. O, bir qədər düşünüb
cavab verdi: «İnsanlar ot tayasında iynə axtaranda, adətən
bir iynəni tapandan sonra dayanırlar. Ancaq mən axtarışları
davam etdirib ikinci, üçüncü, bəzən isə dördüncü və beşinci
iynəni tapıram».
İnsan insana – insandı
Adamla
canavar meşədə rastlaşır. Canavar adamdan insanların hansı
prinsiplə yaşadıqlarını soruşur. Adam cavab verir:
-
Həyatımızın əsas prinsipi belədir – «insan insana canavardı».
Canavar
buna cavab olaraq dedi:
-Hə,
sizdə yaxşıdı. Ancaq bizdə pisdi. Çünki bizim yaşadığımız
prinsip belədir – «canavar canavara insandı».
Hər şey göründüyü kimi deyil
İki
mələk bir varlı ailənin evinə gəlib gecə yatmağa yer istəyirlər.
Ailə qonaqpərvər olmadığından mələklərə yatmağa soyuq
podvalda yer ayırırlar. Yatmağa hazırlaşanda mələklərdən
boyüyü divarda uçulmuş yer görüb onu düzəldir. Bunu görən
kiçik mələk onun niyə belə etdiyi soruşur. Böyük mələk
cavabında hər şeyin heç də göründüyü kimi olmadığını deyir.
O biri gün mələklər kasıb bir ailənin evində gecələməli
olurlar. Ailə çox qonaqpərvər olur və mələklərə yatmağa
öz yerlərini təklif edirlər. Səhər yuxudan oyananda mələklər
ev sahibinin və onun arvadının ağladığını görürlər. Ailəni
dolandıran yeganə inək gecə ölmüşdü. Bunu görən kiçik
mələk böyükdən soruşur:
-
Axı bu necə baş verə bilərdi. Birinci gecə qaldığımız
evin sahibi varlı, lakin çox xəsis adam idi. Ancaq sən
ona kömək etdin. İkinci ailə isə çox kasıb idi. Ancaq
sən onların yeganə kömək və ümid yeri olan inəyin ölməsinin
qarşısını almadın. Niyə?
-
Hər şey göründüyü kimi deyil. Birinci evdə, podvalda olanda
bildim ki, divarda xəzinə var. Ona görə divarı düzəltdim
ki, ev sahibi qızılları tapa bilməsin. İkinci gecə isə,
biz kasıb ailənin qonağı olanda ölüm mələyi ev sahibinin
arvadının dalınca gəlmişdi. Mən də ona inəyi verdim. Biz
həmişə hər şeyi bilmirik. Bilməlisən ki, nə baş verirsə,
sənin xeyrinədir. Bütün bunları zaman keçdikcə anlayacaqsan.
Çünki dünən baş verənlər tarix, sabah isə sirdi. Bu gün
baş verilənlər isə paydı!
Vasvasılıq barədə
Bir
dəfə Xinq Şidən soruşdular ki, ən böyük vasvasılıq nədir.
O cavabında dedi:
- Bu odur ki,
güzgüyə baxanda sənə elə gəlir ki, ordakı adamın sənə
qarşı hansısa pis niyyəti var.
Həyat
haqqında 13 fraza
1.
Səni kimliyinə görə yox, səninlə olanla özümün kim olduğuma
görə sevirəm.
2.
Heç kəs sənin göz yaşlarına layiq deyil. Layiq olanlar
isə heç vaxt səni ağlatmır.
3.
Əgər kimsə səni sən istədiyin kimi sevmirsə, bu o demək
deyil ki, o səni bütün qəlbi ilə sevmir.
4.
Əsl dost odur ki, sənin əlindən tutsun və ürəyini hiss
etsin.
5.
İnsana görə darıxmağın ən pisi odur ki, yanında olasan
və onun heç vaxt sənin olmayacağını biləsən.
6.
Heç vaxt üzündə təbəssümün əskik olmasın. Hətta əhvalın
pis olandada. Bəlkə kimsə sənin təbəssümünə vurular.
7.
Ola bilər ki, sən bu dünyada adi adamsan. Ancaq kiminçünsə
bütün dünyasan.
8.
Vaxtını səninlə vaxt keçirmək istəməyən adama sərf etmə.
9.
Ola bilsin ki, Allah lazım olan adamı tapana qədər lazımsız
adamlarla rastlaşmağımızı istəyir ki, bu baş verəndə minnətdar
olaq.
10.
Ağlama, çünki bu başa çatdı. Gülümsə, çünki bu baş verib.
11.
Hər zaman sənə ağrı verən adamlar tapılacaq. Ancaq insanlara
inanmaq, sadəcə bir qədər ehtiyatlı olmaq lazımdır.
12.
Təzə insana rast gələcəyini və onun səni anlayacağını
gözləməkdənsə, özün yaxşı ol və kim olduğunu anla.
13.
O qədər güc sərf eləmə. Bütün yaxşılıqlar qəfil baş verir.
